第30期供款 2018-06

踏入六絕，今個月係頭半年供最少金額既一個月，傳統智慧，無乜點解。反而將錢集中起煤氣同恆地，今次係經驗，先幾年除淨之後既兩三個月例跌。睇得岩唔岩，下年望返倒後鏡再話你知。

股票	股數	買入價	市值
2388 中銀香港	12	HK$40.15	HK$481.8
939 建設銀行	61	HK$8.07	HK$492.27
3 香港中華煤氣	129	HK$15.32	HK$1976.28
11 恒生銀行	2	HK$202.6	HK$405.2
1299 友邦保險	6	HK$72.3	HK$433.8
12 恒基地產	43	HK$45.6	HK$1960.8

今個月供款連手續費＄５，８００。１５。

恆地煤氣除淨

恆地同煤氣將會起６月５同８號除淨，今年將會有恆地紅股１４８股同煤氣紅股３７５股。除返開恆地成本價會跌到＄３９。１，而煤氣會係＄１２。２，個成本價越黎越低，真係諗起都興奮！

十送一紅股係咪真係有著數?

睇返恆地同煤氣上年除淨前既價，兩隻今日都＂返家鄉＂，即係有１２～１３％升幅，以一個追求平穩既組合黎講絕對合格。不過好老實，恆地係一隻地產股，風險比共用股高，咁既升幅係有點兒失望。

講埋現金股息，恆地今年末期息加咗１０仙股息，大約９％，計埋上年既紅股，理論上係加咗１９％股息。息魔應該會好開心。


計緊今年會收幾多息既時候，發覺組合入面既中銀，建行同恆生既息率已經唔夠５％（３。７％，４。７９％，３。２９％），收息黎講實在太少，講增長又有其他好選擇，黎緊應該唔會再點供喱三隻，而家諗緊好唔好將所有錢供落恆地煤氣同友邦，定係供多隻４０５越秀房地產。。